@ 
眼間，2025年臨近尾聲啦！深冬時節，深水埗區關愛隊特別想將滿滿嘅溫暖、關心同祝福送畀區內老友記。
尋日（30/12），美孚三隊關愛隊舉辦咗「老友記生日會」關愛活動，吸引超過300位老友記踴躍參加！署理深水埗民政專員王懿詩、立法會議員梁文廣和陳凱欣，以及深水埗區議員郭彥麗、胡詩韻等嘉賓都親臨現場，一齊為老友記送上生日祝福！
活動內容豐富又精彩，老友記積極參與需要動腦筋嘅小遊戲，而喺見到大大個生日蛋糕同靚靚花束嘅時候，個個心都暖晒！現場老友記有講有笑，分享日常大小事，氣氛溫馨又熱鬧。
深水埗民政處未來會繼續支持區內唔同夥伴，舉辦更多多元化嘅活動，提供更貼心嘅支援同服務，將關懷傳遞到深水埗每個角落。希望大家都多啲關心身邊嘅家人、朋友同老友記，一齊為彼此創造更多溫暖美好嘅回憶。
2026年即至，祝願大家新一年身體健康，一齊迎接更精彩、更幸福嘅未來！
