@ 
今年係中國人民抗日戰爭暨世界反法西斯戰爭勝利80周年，沙田民政處連同沙田區青年發展及公民教育委員會合辦「沙田青年上海抗戰歷史文化交流團」，深入了解祖國嘅抗戰歷史及科技發展，並與當地青年展開互動交流。
喺過去5日(26-30/12)，沙田民政助理專員鍾碩華及沙田區青年發展、公民教育委員會副主席何浩賢帶領超過30位沙田區師生，參觀咗上海多個抗戰遺跡，包括淞滬抗戰紀念館同四行倉庫抗戰紀念館，亦參觀咗魯迅同宋慶齡故居。學員親身見證抗戰場景，更全面深刻認識抗戰歷史，以及抗戰勝利嘅重大意義。
為豐富學員嘅所見所聞，交流團亦安排到訪蔚來汽車交付中心及利亞德華東展示中心，了解新能源汽車市場及視聽科技嘅高速發展。學員亦親手製作非物質文化遺產：掐絲琺琅同小籠包，體驗上海獨特嘅文化底蘊。
交流團亦到訪復旦大學及上海大學附屬嘉定高級中學，感受內地一洸高校嘅氛圍、具學校特色嘅課程同埋校園生活，與當地大學生及中學生互動交流，反思並追求自我成長。
呢次交流團令沙田區青年深刻感受中華民族嘅抗戰歷史，認識到珍貴嘅和平得來不易，亦鼓勵學員將此次交流所學所見帶回學校及社區，共同銘記歷史、緬懷先烈、珍愛和平、開創未來。
2026年，沙田民政處會繼續舉辦更多交流團，提供更多機會予青年人認識國情，為個人升學及發展做好準備，迎接更美好嘅未來。
