@ 
1.尋日(1/1)政務司副司長卓永興喺油麻地警署開幕後，到警署正門對面嘅文創小型市集買嘢支持。
小型市集由油尖旺民政處、中旅集團及香港廣西賀州市同鄉聯誼會合辦。初期開至三月一日，逢週末及公眾假期營業。
油尖旺民政專員余健強介紹，另外同油麻地街坊會合辦嘅「油麻地美食購物節」，有超過 150間食肆、店舖及景點參與，包括天后廟、廟街食肆、果欄、玉器街以至上海街大型廚具舖等。
優惠詳情在油尖旺內地社媒發放，亦喺以下網址更新：
https://linktr.ee/ymtdsf
2.另外，新年尖沙咀傳統節目「 2026 香港龍獅節暨第八屆世界龍獅日」尋日起一連兩日再次喺尖沙咀舉行，油尖旺民政處今年連續第二年提供部份贊助。
活動匯聚超過40個來自世界各地嘅龍獅團體，有138隻醒獅、逾1500名運動員參加，吸引逾千市民及遊客駐足觀看。
