@ 
沙田民政處、沙田六個分區委員會及沙田婦女會尋日（4/1）喺利安社區會堂合辦咗「沙田區健康日」，希望透過輕鬆且多元化嘅健康推廣活動，提升沙田區居民對身心健康嘅關注，並加強社區對常見疾病預防同治療嘅認知。
活動邀請到威爾斯親王醫院 、香港中文大學中醫學院、香港牙醫學會 、香港紅十字會、港專學院、沙田康健站等機構協辦，提供多元化活動畀參加者選擇，包括唔同主題嘅專業講座 ──「認識心臟健康」、「女性貧血的中醫認識及食療養生方法」、「認識及預防骨質疏鬆症」 、「告別痛症」及「缺牙的解決方案」、健康資訊及互動遊戲攤位、毛巾操運動嘅指導示範同埋運動表演。活動以輕鬆而具教育意義嘅方式，成功推動居民建立健康生活模式，促進個人、家庭及社區整體健康。
活動嘅啟動禮由沙田民政處高級聯絡主任廖淑芬、各分區委員會主席、沙田婦女會及各協辦機構代表等嘉賓主禮，聯同沙田居民一齊參與呢個富有意義又有益身心嘅活動！
