@ 
踏入2026年，一年一度觀塘區大型盛事「金曲樂韻匯觀塘」啱啱喺1月2日及3日一連兩晚於新落成嘅東九文化中心劇院圓滿舉行。超過2,000名觀塘區居民參與，全場座無虛席！
呢個深受觀塘街坊歡迎嘅音樂會今年移師新落成嘅東九新地標開show。民政處透過呢個「藝術與科技」結合嘅嶄新表演場地，讓入場觀眾都得到耳目一新嘅觀賞體驗，同時用音樂 為社區送上關懷 ，注入正能量。多位唔同年代、各具風格嘅歌手獻唱 ，首首金曲耳熟能詳 ，觀眾聽得如痴如醉 ，掌聲不斷 。
民政總署署長杜潔麗、中聯辦九龍工作部處長姜翼鵬、觀塘民政專員何立基、立法會議員鄧家彪、洪錦鉉及張培剛，連同觀塘區議會屬下地區設施及工程委員會主席柯創盛及觀塘區議會屬下社區參與及文化康樂委員會主席黃春平亦親臨首日嘅開幕儀式主禮。一眾嘉賓齊齊將水晶球亮起 ，寓意將愛同正能量注入水晶球，為大家送上滿滿嘅平安祝福 ，同時為觀塘區所有居民朋友打打氣。
署長喺致辭時勉勵大家只要懷住希望同信心，團結一致 、共同努力，定能喺新一年迎來更光明嘅未來，並強調政府會繼續加強地區治理工作，改善民生，為市民建設更美好嘅香港。
喺新一年，觀塘民政處亦會繼續舉辦不同活動，讓觀塘區更有活力，提升居民嘅幸福感 。
