@ 
由九龍城青年發展網絡主辦為期5日4夜嘅「上海歷史文化探索之旅」於20-24/12順利舉行。今次交流團由九龍城民政專員Ivanhoe擔任團長，帶領24位Y-Dragon成員前往上海，展開一趟豐富充實嘅學習之旅。
今次交流團嘅行程豐富。歷史認識方面，Y-Dragon參觀咗上海淞滬抗戰紀念館、四行倉庫抗戰紀念館，以及中共一大紀念館。透過各種文物、史料及多媒體展示，深入了解抗戰歷史，培養家國情懷。
教育交流方面，Y-Dragon參觀咗上海交通大學，聽到當地學生分享喺交大嘅學習同生活，又去到上海市中國中學，同當地學生一齊體驗「新六藝」特色課程，包括非遺盤扣、香囊製作同埋投壺競技等，對內地學生嘅課程有更多了解，提升對中國文化嘅興趣，亦進一步促進滬港青年嘅交流。
除此之外，行程仲包括參觀香港特區政府駐上海經濟貿易辦事處，同喺上海生活工作嘅港人交流，了解佢哋嘅生活經歷同職場發展；又參觀當地企業——普華永道同小紅書，認識佢哋嘅營運模式同創新技術；同埋參觀咗上海市人形機器人創新孵化器同上海聯影智能醫療科技有限公司，了解創新科技嘅發展，以及人工智能喺醫護行業嘅應用；亦有參觀當地著名嘅錢學森圖書館同上海自然博物館，了解航天同生物知識，拓寬視野；行程亦都唔少得遊覽上海著名嘅歷史文化地標，包括豫園、外灘、南京路步行街同新天地，感受上海嘅文化魅力。呢幾日行程真係豐富多彩，收穫滿滿。
感謝上海徐匯區統戰部、黃浦區統戰部及滬港社團總會常務副會長樊敏華悉心安排今次上海之行，讓Y-Dragon認識到祖國嘅歷史文化同發展機遇，加強生涯規劃，亦加深咗國民身份認同感；參加者之間亦建立咗友誼，促進咗滬港青年之間嘅交流。未來，九龍城青年發展網絡會繼續為區內青年舉辦唔同活動，提供豐富多元嘅體驗，推動青年發展。
@ 
nRgviJBOYRHJWGrYjHNrKZU