@ 
沙田小區滅鼠行動嚟到頌安邨啦！沙田民政處喺尋日（5/1）去到頌安邨進行小區滅鼠「清洗太平地」活動，齊齊出動推廣小區滅鼠！
沙田民政助理專員鍾碩華、政務主任實習生張惠欣，連同房屋署及食環署代表、區議會食物環境衞生委員會正副主席、當區區議員同關愛隊一齊落手落腳，為居民清潔信箱、扶手、門柄、電梯掣等大廈公用地方，希望藉此為頌安邨嘅環境衞生出一分力，並提高居民嘅防治鼠患意識！
沙田民政處亦喺早前聯同各持分者喺頌安邨進行實地視察，包括垃圾房、屋邨內嘅草叢同其他容易滋生鼠患嘅地方，了解環境衞生情況及滅鼠防鼠措施，並向居民派發滅鼠小冊子同紀念品，提醒大家一同齊心合力，防治鼠患。
沙田民政處會繼續致力推展「小區滅鼠行動」，務求讓沙田區嘅居住環境更加乾淨舒服！
@ 
@