@ 
投資涉及風險。對於一啲素未謀面、自稱「老師」、「專家」或「名人加持」嘅白撞投資訊息，千祈唔好輕易相信！佢哋聲稱可以免費教你投資，甚至加你入貼士群組，好大機會係「勁伏」嘅騙徒 ！
一名八十多歲老友記於半年前收到自稱「投資專家 」嘅白撞 WhatsApp ，之後一直有討論投資心得，直至近日該「投資專家 」訛稱有內幕投資消息，指一隻香港股票即將大幅上漲，誘騙受害人即時買入。擁有多年投資股票經驗的受害人，使用自己的投資平台證券帳戶 ，買入逾四百萬元等值的股份。不料該股在一天內「股價直插」逾八成，受害人隨即賣出，損失逾三百萬港元。
其後，受害人向騙徒求助，騙徒訛稱可協助追回損失，並建議轉購另一隻「基金」，但須先繳付「保證金」。受害人未有起疑，按指示向騙徒提供的多個個人銀行戶口轉賬逾三百萬元。直至事主耗盡投資戶口全部存款，騙徒失去聯絡，才驚覺受騙 。受害人共損失近七百萬港元。
過去一周，警方共接獲逾 100 宗投資騙案，總損失金額逾 $7,000 萬港元 。
守網者提醒各位：
切勿理會來歷不明的白撞訊息
切勿輕信網上「高回報」投資廣告
切勿胡亂轉賬至不明個人銀行戶口
使用「防騙視伏器」或「防騙視伏App」評估詐騙風險
立即下載防騙視伏APP：
https://cyberdefender.hk/scameterplus/
@ 
@