@ 
深水埗區議會尋日（6/1）召開2026年首次大會，以及大廈管理工作小組嘅首次會議。
為配合來年區議會嘅工作，深水埗區議會主席王浩宇宣佈延長區議會轄下嘅提振地區經濟專責工作小組任期一年，並成立大廈管理工作小組 以推動良好大廈管理文化。
大會上，康樂及文化事務署同運輸署亦介紹部門嘅年度工作計劃，並同各議員討論相關內容及作出交流。議員都對部門過去嘅工作給予肯定，主席亦感謝各議員提出嘅建議同部門嘅積極回應。深水埗區議會將繼續與各部門同社區緊密聯繫，推廣多元化嘅康體活動，並持續優化區內公共運輸服務，提升居民嘅幸福感。
新設立嘅大廈管理工作小組亦喺同日召開首次會議，小組主席鍾婧薇議員以及一眾議員積極分享地區層面嘅實務經驗，同時就工作小組嘅未來工作以及與民政處之間嘅協作等作出深入討論。相信工作小組將成為有效平台，將推動良好大廈管理文化嘅工作「做深、做廣」，共同完善地區治理。
