@ 
喺今日1月9日，荃灣警區帶咗一班荃灣海壩街官立小學 120名師生去到位於昂船洲軍營內嘅「駐香港部隊展覽中心」進行參觀 。
踏入展覽館第一眼已經見到大型展示牌寫有「夢起東方～中國夢 」，嗰份壯觀感已令到同學仔深深感受到我國偉大嘅夢想。展覽廳以「中國夢」、「強軍夢」「香江衞士」為主題及裝備模型展示區組成。入口總序廳展示宏偉而巨大嘅中國國旗 、國歌 、國徽、國土版圖等國家元素，同學仔深深感受到我國偉大嘅夢想及身位中國人嗰份自豪感 。展覽中心特意安排導賞員為同學仔講解喺國家歷史、軍事、政治上嘅發展，認識解放軍喺軍事設備上嘅先進發展及喺香港所擔當嘅重要角色 。
透過今次參觀活動，令同學仔能更全面了解國家歷史、發展和人民軍隊，增強學生對國民身份認同 、民族自豪感及培養愛國情懷 。
