@ 
AI 時代已經來臨。青年如何乘著科技浪潮，為未來裝備自己？
去年年底，葵青區青年發展及公民教育委員會主席兼荃灣葵涌及青衣區中學校長會主席黃定康校長帶領區內4間中學學生走進 Alpha AI Technology Limited，見識人工智能(AI)開創嘅新世界，了解創科產業嘅就業前景，並體驗AI研發日常。委員會副主席陳俊光，以及委員黃小玲、黃海及林國柱亦到場支持，與同學交流AI帶來嘅機遇。
AI 技術體驗：3D 建模 × 無人機操控
喺首席營運總監何進一帶領下，同學們了解AI嘅真實應用，見證無人機作「超視距」大廈外牆檢測，精準搵出同記錄破損位置，去除原本費時嘅工序。同學們仲接觸到仍處研究階段嘅迷你無人機，喺升降機槽等密閉空間嘅檢查優勢。現場嘉賓與同學手持不同型號無人機試用，同學一邊操作、一邊驚嘆：「今次體驗令我對未來職涯多咗一份想像！」
把所見所感變成觀點：AI 辯思挑戰
參觀過後，「AI 辯思挑戰」正式展開。同學將參觀中嘅觀察與疑問帶回校園，深入分析AI喺現今社會嘅應用，以及對人類未來嘅影響。評審日當天，各組以精心設計嘅簡報作匯報，觀點鮮明、內容扎實，畀大家睇到青年一代嘅創新思維與批判能力。期望同學將所學化為動力，善用 AI，未來為香港創造更多可能。
活動由葵青民政處、葵青區青年發展及公民教育委員會主辦；香港青年協會賽馬會葵芳青年空間為伙伴單位；荃灣葵涌及青衣區中學校長會為支持單位。
@ 
@