@ 
1月10日係第15屆「成功有約」屯門區青年自我挑戰及獎勵計劃嘅結業禮，亦係一班青年學員完成一個學習階段後，展現學習成果嘅重要時刻。
為咗參加由屯門民政處、屯門區青年發展及公民教育委員會同「成功有約」同學會合辦嘅「屯門區青年SHOWCASE暨『成功有約』嘉許禮」，約100位參與計劃嘅學員，喺呢半年嚟努力學習新事物，包括樂器 、樂隊演出 、體育運動 、廚藝 等等。學員喺舞台上施展渾身解數，亦喺攤位向屯門區街坊分享學習經歷同介紹學習成果 。在場市民都非常欣賞學員們充滿青春活力嘅演出，感受到年輕人嘅熱情同溫暖。
「成功有約」計劃係屯門民政處同屯門區青年發展及公民教育委員會建立嘅持續青年培育發展 計劃，內容包括訓練、實踐、短期商業機構體驗、國內及海外交流團等等，讓屯門區青年人睇多啲、睇闊啲、睇遠啲，了解自己嘅優點 ，發掘多方面嘅興趣及潛能，喺成長嘅路上 ，正向學習 ，發揮所長，服務社區。
