@ 
由國民教育沙田區委員會主辦、沙田民政處合辦贊助及香港中文大學中醫學院協辦嘅「國之瑰寶・中華書畫 — 講座活動」首兩場講座已經分別喺10/1及11/1圓滿結束 。
第 1場講座喺10/1於圓洲角社區會堂禮堂舉行，主題為「淺談中國繪畫從欣賞技巧到歷史演變暨書畫成果分享會」 。活動邀請咗中國書畫興趣班導師當代書法藝術家馮以力及當代水墨藝術家韓雁婷 ，以深入淺出嘅形式講解中華書法及國畫嘅演變史，並教授欣賞作品嘅要訣。同場嘅分享會亦展示咗書畫興趣班學員嘅賀年畫及揮春作品。作品創作內容多樣、既有肖馬畫作 、植物畫 、風景畫，又有賀年大字等 。在場參加者不但與作品合照 ，亦跟兩位導師喺展品區互動交流 ，輕鬆學習國畫知識。
第2 場講座喺11/1於香港中文大學康本國際學術園，主題為「書法與文人精神：從古代到現代的傳承」 。 由書法家及專欄作家文相濡帶領學員走進歷史長廊認識中華書法各朝名家嘅精粹及筆法特色 。講者亦精闢講解書法與中國文人精神嘅關係，指出作品當中反映名家嘅道德追求、個人經歷際遇引發嘅感受，亦蘊藏名家們嘅家國情懷 。
委員會嚟緊仲有第3場講座將於13/2（星期五）舉行！主題係「中國花鳥畫賞析與創新」 ，一齊嚟透過對比唔同年代嘅花鳥作品，了解中華藝術嘅發展歷史 。快啲瀏覽附圖海報記低日期去拎門票啦 ！
