@ 
北區青年網絡「北極虹」喺8月19日會去新加坡，展開5日4夜嘅交流！參加交流團嘅20位虹仔虹女8月15日出席工作坊同簡介會，先畀佢哋熱吓身，為交流團做好準備。
今次嘅交流團行程緊湊，包括探訪新加坡管理大學同新加坡全國青年理事會，與當地青年交流，又會去到香港駐新加坡經貿辦，了解政府喺東南亞推廣香港嘅工作。
交流團仲會去到當地嘅科學建設同具歷史文化意義嘅地點考察，加深了解新加坡嘅社會同文化。交流團全部團友未曾去過新加坡，對於將會初次踏足呢個地方感到興奮！
交流團每位團友都要肩負唔同職責，佢哋喺工作坊討論大家嘅分工。而北區民政專員賴子堅同助理專員歐婧琳亦都有到場為虹仔虹女團友打氣，勉勵團友全情投入交流團，體驗當地嘅文化同生活特色，擴闊視野，期待各位虹仔虹女團友滿載而歸！
