@ 
期待已久，兩年一度嘅元朗藝術節返嚟喇！由元朗區文藝協進會、元朗大會堂、元朗民政處合辦嘅第27屆元朗藝術節開幕典禮喺1月17日於元朗劇院演藝廳圓滿舉行 ！民政總署署長杜潔麗、元朗民政專員馬富威、港區人大代表沈豪傑、全國政協委員呂堅、中聯辦新界工作部副處長龐杰釗，以及藝術節統籌委員會主席曾憲強、副主席黃就添等主禮嘉賓都有到場主禮。
作為元朗區最具規模嘅文化盛事，開幕禮首演《「元」味濃情滙獅山》，由專業劇團與區內學界合作，同學們嘅表演出神入化，完美展現元朗人深厚文化嘅藝術底藴！
開幕典禮標誌今屆藝術節正式啟航 ，帶領大家展開一場精彩奇妙嘅藝術之旅 。喺未來數星期，藝術節將呈獻多元化精彩節目，包括粵曲欣賞 、舞蹈表演 、合唱管弦音樂會 、懷舊金曲 、棋藝 、音樂劇 、書畫作品欣賞 及魔術表演 等，涵蓋眾多文化藝術範疇。
大會今年更特別新增非遺藝術體驗之旅 及「編程傳愛AI無界工作坊 」等，於元朗大會堂、元朗劇院及社區戶外場地舉行，讓藝術氣息走入街頭巷尾，洋溢於元朗每個角落！ 快啲嚟一齊參與呢個兩年一度嘅文化藝術盛宴啦！