@ 
由屯門區撲滅罪行委員會聯同屯門民政處及屯門警區舉辦嘅「屯門區齊心滅罪嘉年華 」尋日（1/18）圓滿舉行 。屯門滅罪會主席樓家強、屯門民政專員關可臨及屯門警區指揮官馬偉卿同一眾嘉賓都嚟支持 ，並喺典禮上頒發「屯門區表揚警察計劃」 、「屯門區最佳保安員選舉」同「屯門區防罪大使計劃」嘅獎項，表揚優秀嘅警務人員同防止罪案發生嘅巿民 ！
今年嘅重點主題分別係： 「提防騙案」、 「一齊企硬唔take嘢」、 「加強青少年守法意識」同 「提防爆竊及盜竊」。提醒大家要時刻保持警覺 ，建立正向生活態度 。大家一齊將防罪信息傳畀身邊嘅家人同朋友！
活動除咗有深受市民歡迎嘅警車展覽 外，仲有區內15間學校同青少年團體設計嘅防罪主題攤位遊戲，以及學生嘅精彩表演。「提子」 亦都嚟到現場支持，提醒街坊提防騙子。
