@ 
由天水圍南及屏廈分區委員會主辦、元朗民政處協辦、民政總署社區參與計劃贊助嘅「天南屏廈文化生態教育日」喺17/1圓滿舉行！
活動邀請到區內不同嘅學校及團體，為居民籌辦富有天水圍南、屏山鄉同廈村鄉文化及生態特色嘅攤位遊戲。土木工程拓展署西拓展處帶嚟關於北部都會區嘅展覽。大自然保護協會亦分享咗佢哋喺區內嘅海洋生態保育工作，讓大家了解到區內有咁珍貴嘅海洋生物 — 馬蹄蟹。 大家都非常踴躍參與，而參與人次約有1,000人，氣氛熱烈！
教育日仲安排咗導賞團，參觀前為流浮山警署嘅香港導盲犬學苑（已被列為三級歷史建築）。參加者不僅能細聽歷史故事，仲可以同導盲犬近距離互動、拍照留念！導賞團以欣賞白泥嘅自然美景作結，景色非常優美 ！
分區委員會希望透過活動，增加居民對區內嘅認識同歸屬感，鼓勵大家互相交流與聯繫。活動好榮幸請到土木工程拓展署西拓展處處長陳家豪蒞臨，並喺典禮上同大家分享洪水橋/廈村新發展區喺文化及生態保育方面嘅擬議措施。此外，仲有多位政府部門嘅代表出席支持，包括元朗民政處、食環署、社署、警務處、房屋署、康文署及廉署。期待未來有更多活動，讓我哋展現社區嘅凝聚力！
