@ 
近日，超過140位嚟自屯門區15間小學嘅同學仔參加由屯門民政處、屯門區青年發展及公民教育委員會、嶺南大學合辦，「成功有約」同學會協助籌組嘅「屯門區小學生『做個大學生』體驗活動」，喺嶺大學生義工帶領下，走進嶺大校園親身體驗大學生活。佢哋跟隨住嶺大科學教研組助理教授團隊走入教室，學習有關科學環保 考察同生物多樣性嘅知識。
嶺大教研團隊深入淺出咁講解生物多樣性對環保生態嘅重要，仲展示咗唔同種類嘅蜜蜂同烏蠅標本，同埋畀佢哋親身睇到廚餘機嘅運作，讓佢哋明白減少廢物嘅重要。同學仔都覺得新奇有趣，期間踴躍舉手發問 ，積極主動學習。同學喺參觀後嘅分享環節話，之後一定會同屋企人分享呢次有趣嘅體驗，未來會努力回收廚餘，減少浪費 ！
