@ 
由北區民政處同北區區議會合辦，民政總署贊助嘅「樂活草地・暖北區2025/2026」活動圓滿結束喇 ！ 超過3000位市民嚟到鳳溪第一中學大草地 ，同我哋共享冬日暖陽 。大家喺周日(18/1)度過咗一個悠閒寫意，充滿翠綠氛圍嘅下午 。
今年嘅樂活草地內容豐富。參加者唔止可以欣賞無伴奏合唱 、管弦樂 、手碟、夏威夷小結他 等精彩嘅舞台表演，更有機會體驗人物速繪、茶粿製作等特色文化攤位 同埋親自動手製作精美嘅文青手工，包括：香薰永生花音樂盒 、懷舊鐵閘拓印 、中國水墨畫、立體卡fotomo 同埋製作微縮中式點心 。活動仲專門為小朋友準備咗豐富嘅遊戲攤位，有投籃機 、充氣障礙賽同夢想樂園等 ，今年仲新增咗大型充氣遊戲 – 太空城堡 ，大受小朋友歡迎！
「樂活草地」期待下次再同大家一齊，喺我哋咁靚嘅北區，品味樂活心境 ，漫步嫩綠草地 ！
Facebook專頁：樂活草地LOHAS
Instagram專頁：lohasmusicfestival