@ 
昨日(19/1)，沙田民政專員余懷誠聯同沙田區議員同增選委員到訪明愛馬鞍山中學 ，了解學校嘅辦學理念同喺醫護教育方面嘅特色課程，實地了解學校嘅教學同發展。
明愛馬鞍山中學係為數不多提供寄宿服務嘅資助學校，大家都特別參觀咗學校嘅學生宿舍，了解學生校園住宿生活。
除咗學生宿舍，大家仲參觀咗「有價巴士」生命體驗館同健康護理實習專室。學校設備專業齊全，同學仔可以喺度學習護理知識。
參觀之後，大家亦喺學生宿舍一齊食午飯。飯餐健康又豐富，睇到學校對學生日常生活細節嘅用心。
今次探訪讓大家更深入認識明愛馬鞍山中學點樣結合生命教育、職業導向同生活關懷，為學生提供全面嘅成長同學習支持。期待學校繼續發揮教育特色，與社區攜手培育新一代！
@