@ 
由深水埗文藝協會主辦、深水埗民政處協辦嘅「熊貓運竹竹」STEAM熊貓機械人競技大賽，日前(18/1)於荔枝角社區會堂圓滿舉行。
今次比賽鼓勵同學走出課室，活用STEAM嘅知識，親手設計、編程及組裝出獨一無二嘅熊貓機械人。賽事期間，同學仔全神貫注，控制機械人跨過障礙物，將竹球傳送到指定位置，爭取以最短時間內完成任務。各參賽隊伍都非常投入，場內氣氛熱鬧非凡。
大會同時設有「熊貓積木傳親恩—親子積木創作遊戲」，畀父母同仔女一齊砌熊貓積木，既鍛鍊小朋友嘅手眼協調，亦讓參與家庭盡享天倫之樂。
中聯辦九龍工作部處長歐陽暐、立法會議員梁文廣，以及深水埗民政助理專員陳樂桐都有到場支持活動，並擔任主禮嘉賓。期望各位同學仔以今次比賽為起點，繼續發揮「敢想、敢試、敢創」嘅精神 ，深入探索STEAM嘅無限可能。
