@ 
1. 油尖旺民政處尋晚（20/1）舉辦第三次「大廈管理專業顧問服務計劃」（BMPASS）嘅服務使用者諮詢會議，油尖旺民政專員李家維出席並向計劃下成立嘅業主立案法團頒發門牌，以及頒發嘉許狀比居民聯絡大使，感謝佢哋參與大廈管理付出嘅努力。會議仲安排大廈家居保險知識講座，提供實用嘅資訊比出席嘅地區人士/業主，佢哋都肯定計劃嘅成效，及承辦機構及管理公司嘅努力。由計劃開展至今，已協助成立13個法團。
2. 油尖旺區議會喺今年成立大廈管理工作小組，由區議員歐楚筠擔任工作小組嘅主席。工作小組喺上星期已舉行第一次會議，區議員分享佢哋喺區內處理大廈管理時遇到嘅常見狀況，就大廈管理同如何為大廈法團提供支援等事宜提出寶貴建議。工作小組將積極透過收集意見、分享經驗，推動良好大廈管理，並宣傳支援服務。
