@ 
為慶祝國慶周年，中西區民政處特別係今年8-11月舉辦中西區舊精神病院立面導賞團。本年度第一節導賞團，同時仲係盂蘭節特別版，已經喺17/8舉行咗啦！
今節導賞團除咗介紹立面前身嘅精神病院歷史，以及其巴洛克式建築特色外，仲特別加入咗盂蘭節主題元素。參加者唔只可以了解呢座法定古蹟嘅歷史，仲可以聽到盂蘭節嘅由來、相關習俗及禁忌，獲得更全面嘅文化體驗。
聽完精神病院同立面嘅歷史講解，參加者最後仲一齊欣賞由今年5月起開始展出嘅「高街光影情緣 Love in the Light」光影藝術展，為整個導賞活動畫下句點。喺光影及音樂配合下，古蹟嘅特色拱門化身成時光隧道，畀觀眾感受一段由邂逅、心動、約會到熱戀嘅浪漫情緣。
錯過咗今節導賞團亦唔需要氣餒，導賞團喺今年9-11月嘅周末陸續有嚟，而喺10月31日更安排咗萬聖節特別版導賞團，等緊你哋盛裝打扮出席！
有興趣嘅朋友，記得留意協辦伙伴Walk In Hong Kong嘅報名詳情。
報名網頁：https://bit.ly/3SKpAtW
