@ 
喺今日1月22日（星期四），荃灣警署安排咗靈光小學一班醒目同學仔參觀警署，藉此了解警務工作及認識防罪資訊。
活動期間，一班充滿好奇心嘅小學生參觀咗唔同嘅警署設施，仲親身接觸警察日常使用嘅巡邏裝備，小朋友仲參加咗指模工作坊，學習套取指紋同埋自己製作一張獨一無二嘅紋書籤為紀念品！
另外，學生同警車及警察電單車拍照留念。最後，由警察領犬員介紹警犬隊，除了講解警犬嘅日常巡邏工作外，仲有警犬嘅示範表演，小朋友仲可以同警犬影合照。
希望透過今次參觀警署活動，令學生們對警察工作有更深入嘅了解，更令一眾學生體會「小心保管財物」嘅重要性，加強佢哋嘅防罪意識，提高公民守法意識。
