@ 
「天北關愛顯『動』心」嘉年華24/1喺元朗天悅邨天悅廣場成功舉行。活動由天水圍北分區委員會主辦，以「關愛、運動」為主題，透過嘉年華 吸引天水圍同元朗區嘅居民參加，並以輕鬆多元嘅活動，凝聚社區力量，促進居民鄰里間嘅互動同埋交流。
嘉年華嘅活動內容豐富，場內有13個各具特色嘅遊戲攤位，各個攤位都深受大人同小朋友嘅歡迎，大家樂在其中 。 舞台表演節目 亦非常精彩 ，共有15間區內中小學、幼稚園、長者中心、青年團體同地區組織參與演出 ，包括歌舞獻唱 、樂曲演奏 、幼兒舞蹈、動感活力運動等表演 ，適合各年齡層觀眾 。大家都對表演者嘅傾力演出讚不絕口 ！而舞台表演更為區內不同年齡層嘅表演者提供咗展現才華嘅寶貴機會 ，表演者亦陶醉其中。
作為天水圍北其中一個亮點活動 ，大會好榮幸邀請到元朗民政助理專員及康文署、警務處、食環署、房屋署同廉政公署嘅代表 ，一齊主持啟動儀式 。元朗區區議員、天北分區會委員同埋眾多地區賢達亦親臨現場指導 ，令活動生色不少 。同時，亦展現咗社會各界對天水圍北分區嘅鼎力支持同埋愛護 ！
元朗民政處將繼續同各界攜手合作 ，凝聚地區力量 ，增加居民對區內嘅認識同歸屬感 ， 共建美好社區。
