@ 
灣仔少訊今次去到西貢 「灣仔南」 開展兩日一夜（1月24至25日）嘅野外歷奇體驗！
露營第一日大家由零開始，學習 喺營地搵位、搭帳篷、準備食材等等，每個會員之間都合作無間。晚餐大家一齊喺寒風中圍住 「烚下烚下」 ，通過自己勞動換來嘅成果真係特別有意義！喺呢個過程當中唔單止學識咗野外求生基本技能，仲加強咗自己嘅自理能力同責任感。夜晚我哋仲一齊行夜山探險，靠住頭燈照亮山路，互相提點，喺黑暗中學識信任同觀察！
第二日瞓醒覺，大家一齊動手整早餐，有人負責煎蛋，有人負責整多士，雖然係簡單嘅食物，但因為齊心協力變得特別好味~食完仲一齊清理場地，實踐「山野不留痕」嘅環保精神。
見到大家齊心協力完成任務，享受自己嘅勞動成果，呢份經歷就係少年警訊會員最珍貴嘅收穫。
