@ 
「Rummikub傳愛社區」 星期六(24/1)喺一片溫馨歡樂嘅氣氛中圓滿完成！活動喺西營盤社區綜合大樓社區會堂舉行，由中西區民政處同中環及半山分區委員會合辦。
Rummikub係一款老少咸宜嘅桌上遊戲，活動除咗可以讓參加者鍛鍊腦筋之外，亦同時推動長幼共融同家庭和諧，吸引咗唔少大朋友同小朋友一齊參與，200個比賽名額更加係一推出就爆滿。
比賽部分有個人組同家庭組。仲特設最年長同最年幼參加者獎項，7歲到80歲嘅參加者都坐埋一齊，同枱切磋技術，大家絞盡腦汁鬥到難分難解。除咗緊張刺激嘅比賽，場內設有體驗同學習區，畀未玩過嘅朋友都可以淺嘗玩玩Rummikub。
現場仲有好多參加者同居民攞住同Rummikub有關嘅道具打卡留念，場面好熱鬧啊！
@