@ 
為咗進一步提升區內家居防火安全，深水埗區防火委員會聯同深水埗民政處、消防處以及多個地區團體，日前(22/1)舉行咗「深水埗區安裝家居煙霧感應裝置（第三期）」啟動禮！
多位防火會委員嘅慷慨贊助下，喺活動現場向街坊派發防火物資福袋，入面除咗有煙霧感應器，仲有各類應急物資！啟動禮結束後，一眾嘉賓更身體力行，上樓為住戶安裝煙霧感應器，加強家居防火設備，令街坊住得更安心。
消防處九龍西分區副指揮官馮景楠、深水埗民政助理專員王懿詩、深水埔街坊福利事務促進會理事長梁鉅海、南昌東之友主席陳龍傑、南昌北居民聯會主席朱晋科、香港廣西崇左市同鄉聯誼會常務副會長沈懷杰、深水埗左鄰右里關愛社副主席官慧珊，以及多位防火會委員都有參加啟動禮 ，攜手共建安全社區！
深水埗區防火會嘅宣傳教育活動陸續有嚟，大家密切留意：
1. 深水埗區防災應急共融日 - 排檔 x 大廈聯合防火及AED演習
日期：2月5日 (星期四)
時間：下午3時-4時
地點：福華街與北河街交界
2. 深水埗區防災應急活動日
日期：2月8日 (星期日)
時間：下午1時-5時30分
地點：楓樹街遊樂場
@