@ 
由荃灣民政處、荃灣區青年發展及公民教育委員會同荃灣區青年服務團合辦嘅「荃灣公民教育推廣日 X 荃青藝力嘉年華」前日 (25/1) 喺荃灣沙咀道遊樂場圓滿舉行。荃灣民政專員區家盛、荃灣區青年發展及公民教育委員會主席呂志宏，以及多個部門嘅代表蒞臨支持。除咗主持啟動儀式外，仲一齊參觀多個攤位，包括公民教育展覽同攤位、由荃灣區青年發展及公民教育委員會多位委員親自策劃及當值嘅攤位，以及由青少年營運嘅文創手作同新興運動攤位添！區內多位校長及老師亦有出席支持活動。
今次公民教育嘉年華結合咗青年創意及新興運動，除咗提供一個更大嘅舞台畀荃灣區青少年展現才藝，場內仲設置唔同嘅專題展覽，推廣《憲法》及《基本法》、四大核心公民價值，並展出「國安．家安」四格漫畫創作比賽嘅優秀得獎作品，活動內容動靜兼備，豐富多彩！
未來荃灣民政處將與荃灣區青年發展及公民教育委員會攜手繼續透過多元活動，推動公民教育並支持青年發展藝體潛能，亦期待與學校及社區夥伴進一步合作，為青年提供更多展現才藝、培養家國情懷嘅正向平台。
@