@ 
1油尖旺民政處同勞福局合作，由藝術家馬興文 Simon Ma帶領共創明「TEEN」學員及其他藝術家，美化橫跨九龍公園徑、近北京道（連接新太陽廣場）嘅行人隧道，呢條隧道係好多市民及遊客每日嘅必經之路。
美化工程上星期六（24/1）舉行開筆禮，多謝勞工及福利局局長孫玉菡出席，同油尖旺民政專員李家維、共創明「TEEN」學員、不同族裔同學仔及一眾嘉賓一齊動筆繪畫。
工程設計充滿油尖旺地區特色，如：霓虹燈牌、天后廟等區內地標，油尖旺區青年社區建設委員會都有份畀意見。
2 另外，油尖旺民政處亦同康文署合作，以香港文化博物館、香港鐵路博物館及香港太空館為主題，喺九龍公園畫上壁畫。
月初，油尖旺民政處就邀請咗區內同學仔參與開筆禮。壁畫完成之後，有望成為新一「打卡」位。
3油尖旺民政處未來幾個月將動工嘅其他美化工程仲有塘尾道行人天橋，由藝術家May Yeung以李小龍為靈感進行美化。
嚟緊今個星期六（31/1）將會有區內同學仔、少數族裔家庭及油尖旺區青年社區建設委員會委員參與共創工作坊，一齊為工程設計畀靈感。
