@ 
東九龍總區防止罪案辦公室於2024年8月15日至17日，喺新蒲崗東華三院東蒲舉辦了一連三日嘅【東九龍防罪創意培訓營】 。參加隊伍共23隊，來自全港嘅17間中小學 ，超過85名學生參與。
今次培訓營目的喺支持年青人發展人工智能(AI)領域 ，加入防罪防騙元素，利用科技去改善老友記嘅生活 。係活動裏面， 參賽嘅同學仔唔單止要發揮想像同創意，仲需要以同理心 去了解老友記嘅需要，做出最啱佢地嘅作品。
我哋特意邀請咗資訊科技教育領袖協會（AiTLE) 及多間創科公司一齊去幫助呢班參加者去創作作品。 學生作品經過120位黃大仙區、將軍澳區、觀塘區及秀茂坪區嘅耆樂警訊會員 選出佢地最啱心水嘅作品，更由最後耆樂警訊會長、少年警訊會長及東九快樂明天委員會選出最佳方案獎。本次活動更設有最佳合作獎、最具創意獎、最具特色獎、最積極參與獎比同學仔競逐。
為加強年青人的防罪和防騙意識，【東九龍防罪創意培訓營】提供咗好多防騙資訊比咁多位同學仔。希望將防罪元素融入科技，改善老友記生活、傳遞愛心及關懷，做到長幼共融。
@ 
@