北區歲晚清潔大行動

一年一度嘅「歲晚清潔大行動」又開始喇 ！近日，食物環境衞生署喺石湖墟街市舉辦宣傳活動 ，推廣社區潔淨與家居衞生嘅重要性 。

北區民政專員卓穎然聯同北區區議員到場支持 ，同北區環境衞生總監林玉嫦及清潔龍阿德一同向市民派發宣傳單張及精美紀念品 ，呼籲大家保持環境同家居清潔 。聽完食環署職員講解同示範高速清洗盤嘅運作原理後 ，區議員們仲即場體驗使用有關設備 ，親身感受高效清潔嘅成效 。

北區嘅整潔有賴大家共同努力 ，等我哋攜手迎接新一年 ，共建更乾淨、更舒適嘅社區 ！