@ 
屯門區防火委員會聯同屯門民政處及香港消防處舉辦嘅「屯門區防災應急同樂日暨健康安全社區展覽」尋日舉行 。屯門民政事務專員關可臨、消防處分區指揮官（新界西）郭志鈞、屯門區防火委員會主席梁卓賢同一眾嘉賓都嚟支持 ，並頒發「防火安全海報設計、標語創作及圖畫填色 比賽」嘅獎項 ，嘉許得獎者以創意推廣防火 安全意識。
今年活動繼續以「防災應急」為主題，除咗有搜救犬 示範外，現場仲有由中小幼學生參與設計及運作嘅主題遊戲攤位、消防及救護裝備展示 、健康安全社區 展板展覽同學生嘅精彩表演，俾大家掌握更多實用知識 ，提升防災及應對突發事故嘅能力 。
屯門區防火委員會將繼續舉辦防災應急宣傳活動，向市民宣揚防火訊息 ，合力打造更安全同健康嘅社區。農曆新年就快到，大家記得過年期間小心防火，開心又安全咁過年 。
