@ 
由九龍城民政處同「飛越啟德」合辦、啟德體育園協辦，以及啟德體育園卓越創始合作夥伴滙豐冠名贊助嘅年度大型運動嘉年華「啟德 Get Set Go！」一連兩日（31/1-1/2）喺啟德體育園東營盛大舉行，吸引過萬名市民參與。呢個活動結合咗運動體驗、體藝表演同親子互動節目，將全民運動嘅風氣帶入社區。
當日民政總署署長杜潔麗、九龍城民政專員蔣志豪、文體旅局首席助理秘書長尹曉欣、啟德體育園行政總裁John Sharkey、滙豐香港區卓越理財客戶策劃及戰略合作主管楊思敏，以及香港遊樂場協會主席李傑之皆蒞臨主禮 。
「啟德 Get Set Go！」活動內容精彩豐富，老少咸宜，共有60個攤位同體驗項目，包括新興運動試玩 、精英運動員表演、BB爬行大賽 、香港定向（短距離）排名聯賽等，吸引大批市民參加，現場笑聲處處，活力飛揚 。
大會更邀請咗殘疾人士樂隊「Flash樂團」表演，向大家展現殘疾人士突破身體障礙嘅毅力同鬥志，一齊學習平等同包容 。
未來九龍城民政處會繼續聯同不同嘅地區團體 ，善用啟德體育園座落於九龍城區嘅地理優勢，舉辦多元嘅體育活動，推動「全民運動」精神，建設活力社區。
