@ 
歲序常易，華章日新。日前（31/1），深水埗多個地區團體趁農曆新年將至，合辦咗一場暖心冬日盆菜聚會，邀請區內家庭、長者同劏房戶等同聚一堂，共迎新春。
活動非常精彩！大家一齊製作新年飾物同新春馬仔，喺品嚐熱騰騰嘅盆菜同時，亦欣賞大會節目，包括家居安全及防騙講座、兒童粵劇表演，以及「耆樂警訊」嘅老友記跳舞表演等。一盆同享，一夜同樂，溫暖滿溢！
活動由錦紅華劇團主辦，並由西九龍總區防止罪案辦公室、深水埔街坊福利事務促進會、深水埗居民聯會及深水埗左鄰右里關愛社合辦。
中聯辦九龍工作部處長歐陽瑋、署理深水埗民政專員陳樂桐、立法會議員梁文廣、黃永威及林琳、錦紅華劇團負責人官陳紅錦及官錦堃、區議員陳偉明及劉佩玉、深水埔街坊福利事務促進會常務副理事長譚國權等擔任主禮嘉賓。多位深水埗區議員、政府部門代表同各界嘉賓亦有蒞臨支持。
深水埗民政處會繼續支持不同活動，致力打造更有幸福感嘅社區。
