@ 
一年一度嘅「元朗繽紛創意嘉年華 暨『元全一叮』才藝大賽頒獎典禮」喺上星期六（31/1）圓滿舉行！ 「元全一叮」一直以嚟都係才藝匯聚嘅舞台，由幼稚園到公開組，大人同小朋友，各參賽者都透過歌唱 、舞蹈 、朗誦、樂器 、魔術 等不同形式，施展渾身解數，為求脫穎而出，爭奪全場冠軍大奬！當日比賽過後，大會喺元朗朗藝徑舉行嘉年華及頒獎典禮。元朗民政專員馬富威、港區全國人大代表沈豪傑、中聯辦新界工作部調研員龐杰釗、元朗區文藝協進會永遠名譽會長楊毓照及文富穩、主席曾憲強等嘉賓都有蒞臨主禮 。
嘉年華除咗有舞蹈 、唱歌 、樂器演奏 等精彩表演，仲有創意攤位 ，畀市民大眾透過互動遊戲同手作體驗，認識中華文化 ，大人同小朋友都玩得好投入！活動喺弘揚中華文化嘅同時，亦展現元朗區滿滿嘅文化藝術活力 ，為元朗街坊帶來一個充滿歡樂嘅周末 。
見到每位街坊面上嘅笑容，真係令人鼓舞 ！約定大家下屆再見 ！
