【歲晚清潔大行動@南區】

新春將至，相信大家已經馬不停蹄咁辦年貨同幫屋企大掃除。

南區民政專員Sandy日前（28/1）聯同多位南區區議員出席食環署舉行嘅「歲晚清潔大行動」，齊齊呼籲街坊同商販關注環境衞生同清潔。

Sandy仲同一眾區議員一齊派發賀年揮春畀街坊，同大家拜個早年，希望大家喺新嘅一年馬運亨通，龍馬精神，馬到功成！

食環署同場展示咗各種防蚊裝置，包括最新型嘅捕蚊器，用嚟防治蚊患，保障市民遠離登革熱、日本腦炎、基孔肯雅熱等蚊媒疾病 。希望大家通力合作，共建美好社區環境。