@ 
青年放眼未來，交流啓航新程！荃灣區青年發展及公民教育委員會喺29/1至1/2舉行咗4日3夜嘅交流團，荃灣民政助理專員張澤豪與活動小組召集人葛兆源親自帶隊，聯同30位荃灣區中學生一齊探索南京歷史文化與科技發展。
今次行程走訪咗明孝陵、南京博物院、總統府、侵華日軍南京大屠殺遇難同胞紀念館、夫子廟秦淮河風光帶、老門東步行街、南京科技館同埋愛飛客航空運動科普基地，讓同學深入認識南京嘅歷史文化同科技發展。
交流團亦到訪南京市第十二高級中學，寧港兩地青年一齊切磋球技、學習無人機射擊原理、體驗模擬飛行、唱歌等，並互相分享兩地學習生活。難得能夠結識到新朋友，成班後生仔女都全情投入，氣氛熱烈，大家開心打成一片。
喺交流團最後一晚，同學仔以簡報同短片互相分享及展示豐富嘅學習成果。大家都表示今次旅程獲益良多，畀佢哋走出課室，唔單止親身領悟與認識祖國歷史文化，更加深佢哋對國家未來發展嘅信心與期盼。
未來，荃灣民政處同地區青年發展及公民教育委員會將繼續為區內青年舉辦更多內地交流團，讓大家深入認識國家發展，為將來貢獻香港同國家做好準備。
