@ 
喺上星期五（8月16日）開始一連四日 ，荃灣區嘅JPC 參加咗由少年警訊總部舉辦嘅四日三夜「少年警訊夏令營2024」 。
夏令營係少年警訊每年重點活動之一 ，今年嘅活動一如既往咁精彩，當中包括中式步操訓練、製作木筏 、水上歷奇同埋地壼球比賽等等嘅團隊活動，希望可以培養大家嘅團隊精神、正向價值觀 同埋領導才能 ，為今年嘅暑假增添開心嘅色彩 。
而喺上星期六（8月17日） ，荃灣區嘅JPC亦都參加咗少年警訊夏令營嘅日營活動，雖然只有短短一日嘅時間 ，但活動依然精彩，當中包括「前港隊劍擊運動員 張小倫先生分享會」 、「禁毒雷射槍體驗」 同埋「團建活動」 ，透過日營活動，JPC都對全職運動員嘅心路歷程有更深入嘅了解 ，亦都可以同不同地區嘅JPC會員互相交流 ，認識新朋友。
@