@ 
元朗區撲滅罪行委員會聯同元朗民政處及元朗警區喺尋日（3/2）舉辦一年一度嘅「元朗區冬防滅罪巴士巡遊」 ，沿途駛經錦田大馬路、天悅邨巴士站、天耀巴士總站同擊壤路巴士總站，向元朗市、天水圍及鄉郊地區嘅居民宣傳冬防滅罪防騙信息 。
元朗民政專員馬富威、元朗警區指揮官梁仲文總警司、元朗區撲滅罪行委員會副主席郭浩男，聯同一眾委員及多位區議員，齊齊出動喺唔同站點，向街坊派發防罪宣傳品 ，宣傳冬防滅罪、防騙 及打擊依托咪酯嘅信息。活動仲特別提醒市民喺新年期間加強家居保安，留意賊人有可能乘虛而入嘅位置，例如門窗及露台 ，防範農曆年間可能發生嘅盜竊案及爆竊案 ，同埋最緊要提高警覺，慎防騙案 ！
