@ 
橫跨數星期，共有二十二項精彩節目嘅元朗藝術節，喺一連串音樂會 、戲劇 、舞蹈 同粵劇等表演後，2/2圓滿閉幕喇！
閉幕典禮以「懷舊金曲欣賞」 為主題 ，將一幅幅元朗舊時代嘅照片，配上首首經典金曲，令現場觀眾都陶醉萬分！ 元朗民政專員馬富威、中聯辦新界工作部調研員龐杰釗、香港中華文化發展聯合會主席區志堅、元朗區文藝協進會永遠名譽會長文富穩、元朗藝術節統籌委員會主席曾憲強及副主席黃就添都親臨主禮 。經典旋律加埋美妙舞姿，為今屆藝術節寫下完美句號。
元朗區喺呢幾個星期有咁多豐富嘅文藝節目，全賴各個參與團體、藝術家同義工嘅全心付出同無限創意 。多謝每一位入場支持嘅街坊 ，你哋嘅笑容同掌聲 ，係我哋繼續推動社區藝術最大嘅動力 ！
希望大家對藝術嘅熱情會延續落去 ，期待下一屆元朗藝術節再為大家帶嚟更多驚喜！