年近歲晚，為咗唔好俾騙徒有機可乘，灣仔警區耆樂警訊昨日（2月4日）就舉辦咗一個特別嘅「防騙揮春班」，等老友記可以一邊寫吉祥揮春，一邊學最新防騙貼士！
老友記手執毛筆，將防騙金句同祝福語化成一張張靚靚揮春，貼喺屋企當眼處，時刻提醒自己同家人，就係馬年最好嘅「平安符」！警民關係組職員仲即場分享真實案例，教大家辨識最新嘅網戀騙案、假冒公營機構短訊同投資相關嘅騙案手法，等老友記可以提防騙子，過個好年。
灣仔警區耆樂警訊 – 防騙揮春班
@ 敏儀＠灣仔
你或有興趣的文章
@ 
@