荃灣警區 · 耆樂警訊防騙講座

今日2月6日 ，荃灣警民關係組聯同新界南總區防止罪案辦公室人員，一齊去到位於石圍角邨荃灣葵青區婦女會嘅長者中心，為一眾老友記舉辦咗一個內容豐富嘅防罪防騙講座！

透過今次講座，除咗將最新嘅騙案手法同防罪知識詳細介紹俾各位老友記，另外，仲協助老友記下載「香港警察流動應用程式」，等大家加強防騙能力之餘，仲可以享用一站式電子服務平台，更方便又安心！ 等老友記可以預防受騙之餘，亦將呢啲實用防騙訊息傳遞俾身邊嘅人，齊齊提高警覺！