@ 
荃灣海旁嘅氣味問題，一直都係唔少街坊關心嘅社區議題。經過多個政府部門緊密協作，已取得成效，獲得顯著成果！
尋日（7/2），由荃灣發展促進會主辦，並由環保署、渠務署、屋宇署及荃灣民政處等協辦嘅「 潔淨海岸・荃城有責 成果分享嘉年華 」順利舉行，向公眾分享改善荃灣海濱環境嘅歷程同幕後努力，同時推廣「潔淨海岸・人人有責」 嘅理念，鼓勵大家一齊守護海岸清潔，保育珍貴嘅自然生態。
活動邀得多位嘉賓出席，包括環境及生態局 EEB局長謝展寰、環保署署長徐浩光、渠務署署長莫永昌、荃灣民政專員區家盛、屋宇署助理署長楊綺雯，以及立法會議員陳恒鑌同郭芙蓉等，多位荃灣區議員亦到場支持。嘉賓同市民一同參觀各部門設置嘅攤位，了解如何運用創新科技去處理污染問題。
2025年施政報告提出進一步改善重點海濱水質，將借鑒荃灣嘅成功經驗，繼續致力提升近岸環境質素。民政處會秉承「荃」心「荃」意精神 ，繼續支持潔淨海岸行動，攜手共建空氣更清新、海濱更舒適嘅城市！
