關愛探訪迎新歲

農曆新年將至，北區民政專員卓穎然，聯同北區撲滅罪行委員會主席陳文洲及北區彩園關愛隊成員，一齊探訪區內獨居長者及雙老家庭，為佢哋送上溫暖、關懷同祝福。

今次探訪嘅老友記，皆年過九旬。卓專員同探訪團隊關注長者嘅身心健康，耐心聆聽佢哋嘅生活需要，更叮囑關愛隊繼續密切關注區內長者，發揮鄰里守望相助精神，攜手建立温暖和諧社區。

願社區人士同心同行，攜手傳遞關愛同善意，讓有需要嘅人都能感受到温暖與關愛，社區更加和諧美好。