@ 
「元朗區防火應急教育日暨頒獎典禮」8/2圓滿舉行！ 活動由元朗區防火委員會主辦，元朗民政處及香港消防處 協辦，好多大小朋友都嚟參加，場面非常熱鬧 ！
活動首先由元朗區防火委員會主席蕭浪鳴陪同元朗民政專員馬富威、消防處分區指揮官（新界北）黃宏亮、助理救護總長（新界西）林卓豪，以及消防處社區應急先鋒名譽會長會（元朗區）主席李良驥進行簡單而特別嘅典禮儀式 ，喺剪綵帶嘅同時，亦寄語大家注意防火安全。元朗民政處亦恭喜於「防火訊息環保袋創意設計比賽 」同「防火訊息親子填色比賽 」得獎嘅同學 ！
現場除咗有精彩嘅舞台表演 、攤位遊戲 、 消防處儀仗隊展示國旗 、消防車 同救護車 展覽外，仲有由消防救護人員進行嘅救護演練 及公路救援操練 ，場面非常逼真，大家都睇得好投入 ！
在場嘅小朋友仲試着咗兒童版黃金戰衣 同救護 制服，同消防員、救護員合照 ，並近距離接觸消防 同救護 裝備，加深對消防及救護工作嘅了解，同時加強自身防火意識 。
喺未來日子，元朗區防火委員會將一如以往，繼續努力推廣防火安全 及社區應急 方面嘅工作，舉辦不同類型嘅防火宣傳活動 ，大家記得要多多支持 ！
