@ 
由元朗民政處與博愛醫院合辦、民政總署「社區參與計劃」贊助嘅年度盛事 ——「博愛好聲音」青少年歌唱比賽已喺8/2圓滿舉行 ！
今年嘅比賽吸引超過650組熱愛流行音樂 、勇於追求音樂夢 嘅青少年 報名參加。經過競爭激烈嘅海選同初賽，最終只有12隊能夠登上決賽舞台，喺樂隊現場伴奏下 ，於元朗劇院舞台上展現其精湛嘅歌唱實力 ，競逐殊榮。參賽者喺賣力演唱較量 嘅同時，亦互相支持同鼓勵 ，為在場近800名觀眾獻上一場精彩嘅音樂盛宴，分享音樂嘅魅力 。
今年比賽評審團陣容鼎盛，除咗有專業音樂人伍仲衡、資深傳媒人吳雨等出任評判 ，大會仲邀請咗元朗區青年發展及公民教育委員會委員，以及博愛醫院總理一同參與「最佳台風獎」 同「最佳造型獎」 嘅評審工作。喺元朗民政助理專員Roy為少年組同埋青年組優勝者頒獎 後，活動畫上圓滿句號！
元朗區青年網絡計劃轄下嘅Fans Club當然把握機會，喺場外設置攤位，邀請觀賽嘅青年朋友加入 成為會員 ，緊貼民青局同埋元朗區青年網絡最新嘅活動資訊 。希望大家積極參加民青局同埋民政處舉辦嘅各項青年活動 ，將呢份活力同熱情延續落去 ！
再次恭喜所有得獎者 ，亦多謝每一位參賽者嘅參與 ！希望大家繼續堅持夢想 ，喺音樂旅程同埋人生嘅路途上發光發熱 ！
