@ 
油尖旺民政處、消防處及防火會由去年年底至今已率先舉辦多個防火應急宣傳活動，包括：
1.果欄應急課程及果欄應急滅火櫃揭幕禮
油尖旺民政處、消防處、防火會及九龍果菜同業商會為進一步提升油麻地果欄嘅防火應急安全，除咗合辦防火應急課程畀商販及從業員，示範消防設備嘅正確使用方法，以及自動心臟除顫器(AED)嘅操作同心肺復甦法(CPR)嘅施行程序外，尋日(11/2)更為設置喺果欄嘅兩個應急滅火櫃(櫃內備有滅火筒及滅火氈等設備)舉行揭幕禮，油尖旺民政專員李家維及區議員亦都到場支持 。
2.小販排檔區冬防宣傳活動
去年年底，油尖旺民政處、消防處及防火會亦有聯同食環署一齊走入小販排檔區進行防火宣傳活動，透過防火講座及消防設備示範向排檔商販傳遞防火安全信息，提醒排檔商販時刻注意火警風險，保障自身及顧客安全。
3.茶聚／聚會及大廈防火宣傳
此外，今年年初，油尖旺民政處、消防處及防火會聯同關愛隊舉辦「社區消防安全知識講座」及「消防安全意識提升講座」，向居民講解防火安全信息及AED 相關資訊，加強大家對大廈消防設備同家居潛在火警風險嘅認識，以及喺火警中如何保障自身同家人嘅安全 。
4.老人院防火宣傳活動
為提升安老院舍嘅防火安全，油尖旺民政處、消防處及防火會亦喺2月初到訪安老院舍，為員工及長者舉辦防火講座同埋消防設備示範，加強一眾老友記嘅消防安全知識，提醒佢哋時刻保持警覺並切實執行防火措施，提升應變能力，就係保障自身及院友安全嘅關鍵 。
