@ 
今日喺2月14日， 除咗係甜蜜蜜嘅情人節，仲係熱鬧滾滾嘅年廿七！
荃灣警區警民關係組嘅人員嚟到荃灣沙咀道遊樂場嘅年宵花市，向「荃民」傳遞最重要嘅防罪、防騙及禁毒信息！
農曆新年前夕，大家都想開開心心過肥年，但千祈唔好忘記要時刻保持警覺，提防層出不窮嘅騙案！喺呢個充滿愛嘅日子，保護好自己同摯愛嘅財產，就係最好嘅禮物。
騙案就好似錯配嘅愛情，一鋪清袋！
毒品更加係愛情墳墓嘅入場券，一啖都唔好試！
記住，遠離罪惡至係最終贏家！
愛佢，就幫佢裝咗呢兩個App先：「防騙視伏器」APP —— 幫你同另一半一眼睇穿可疑來電、連結，擋走所有「愛情陷阱」！
「香港警察流動應用程式」 —— 一站式使用警隊服務，隨時隨地與警方同行，安全感滿滿！
祝願大家： 人月兩團圓，財富保平安；智慧防騙術，開心迎年！
@ 