@ 
馬年新歲將至，深水埗民政處聯同地區團體及關愛隊，相繼舉辦咗不同送暖活動，為社區注入溫暖與笑容，讓關懷喺社區流動。
1.「深水埔∙深水情∙迎春接福 」活動
深水埔街坊福利事務促進會聯同深水埗居民聯會日前（10/2）舉行咗「深水埔·深水情·迎春接福」活動 。
深水埗民政專員王浩宇、深水埗居民聯會理事長陳偉明、深水埔街坊福利事務促進會理事長梁鉅海及區議員黃俊雄都有到場支持，一齊派發蘿蔔糕同湯包等賀年食品畀老友記。
2.關愛隊送暖家訪活動
專員喺11/2再次出動，聯同美孚關愛隊上門探訪區內長者。專員亦鼓勵老友記多參與社區活動，擴闊生活圈子，保持積極樂觀嘅心境。
為延續早前「明火煮食智安『深』」樂齡科技推廣活動，專員特別聯同煤氣公司團隊，為長者家庭免費安裝智能煮食控制器。透過手機應用程式 即可遙距掌控爐火，方便又安全，讓長者與照顧者都安心享受創新科技帶來嘅保障與便捷。
活動期間，關愛隊亦主動關心一位因家人入院而感到無助嘅伯伯。隊員發現佢屋企門鐘失靈、雜物堆積，即時安排家居支援服務，及時喺新春前夕為伯伯送上關懷及協助。
新年新氣象，不變嘅係深水埗民政處將會繼續與地區團體及關愛隊攜手合作，以實際行動傳遞溫暖，同街坊同心同行，共建守望相助嘅美好社區。
